Documentary film "KEIF" is selected on Forteca International Film Festival in Perast, Montenegro. The screening is scheduled for 27.07.2022.

Documentary film "KEIF" is selected on BaNeFF - Balkan New Film Festival in Stockholm, Sweden. The screening is scheduled for 15.12.2021.

Residents of Kavadarci, Negotino and Demir Hisar will be able to watch movie screenings from their cars this weekend. The event is organized by Toros Film Studio in cooperation with the Ministry of Culture.
In Negotino, the screenings will be held on Friday (June 25) starting at 20:15 on the playground of the sports complex "Mladost".
In Kavadarci it will be held on Saturday (June 26) at 20:15 in the parking lot next to "Music Park" and on the playground in the new settlement of Demir Hisar on 03.07 at 20:15.
The movie "Ah, my love" directed by Kole Angelovski will be shown in all three cities.

Жителите на Кавадарци, Неготино и Демир Хисар викендов ќе може да проследат филмски проекции од нивните автомобили. Настанот го организира „Торос филм студио“ во соработка со Министерството за култура.
Во Неготино, проекциите ќе се одржуваат во петок (25 јуни) со почеток во 20:15 часот на игралиштето од спортски комплекс „Младост“.
Во Кавадарци ќе се одржува во сабота (26 јуни) во 20:15 часот на паркингот до „Музички парк“ и на игралиштето во новата населба Демир Хисар на 03.07 во 20:15 часот.
Во сите три градови ќе се прикажува филмот „Ах, љубов моја“ во режија на Коле Ангеловски.

Во текот на денешниот ден (28.05.2021), документарниот филм „Кеиф“ (Македонска чалгиска традиција) ќе има проекција во рамките на Филозофскиот филмски фестивал. Проекцијата е со почеток од 21.00 часот во летното кино на Кинотека, која што ќе биде пропратена со излагање на сценаристот на филмот,  проф. д-р Ристо Солунчев, на тема „Македонска музичка епистема“.
Покрај тоа, филмот „Кеиф“, денес ќе има проекција и во Белград, во рамките на манифестацијата „Денови на македонската култура во Белград“, во програмата „Денови на современиот македонски филм“, која што од 18.00 часот ќе се одржи во Арт киното на Етнографскиот музеј.

Документарниот филм „Кеиф“ ја прикажува Македонската чалгија која е вкоренета во музичкиот код на многу генерации и претставува карактеристичен феномен што го спојува фолклорот со наследството на музичката традиција на Истанбул, т.е. со византиската црковна музика и со класичната отоманска во еднo, кореспондирајќи со осмогласието и макамскиот систем.
Филмот ги следи историјата и почетоците на чалгијата од Цариград (Истанбул) до Македонија во текот на еден век. Ја следи историјата на старите македонски музички групи (тајфи) основани во Скопје, Охрид, Велес, Кавадарци, Битола, но исто така и турската класична музика, преку академски професори од Турција. Во филмот се користат стари архивски снимки од изведбите на бардовите на овој вид музика, што носи на површина важен сегмент од македонските музички традиции за идните генерации.
Филмот го следи развојот на чалгијата во Македонија, западните влијанија, резултатите од оваа синтеза и секако, нејзиното појавување во денешниот контекст, преку интервјуа со македонски музичари, но и светски познати уметници како Кудси Ерѓунер, Омар Фарук Текбилек, Ѓунај Челик, Симон Шахин итн.

Документарниот филм „Кеиф“ е во режија на Блаже Дулев, а во продукција на „Авард филм и видео“ и истиот е реализиран со поддршка на Агенцијата за филм на Македонија.

Играниот филм „Отворена врата“, дебитантски филм на младиот албански режисер Флоренц Папас, во кој македонија учествува како копродуцент, е кандидат за Оскар на Албанија во категоријата за најдобар странски филм.
Филмот е во продукција на „Бункер филм+“ од Албанија, а копродуценти се „Сиркл филм“ од Косово, „Лупин филм“ од Италија и „Авард филм и видео“ од Македонија, а со поддршка и на Еуримаж.
„Отворена врата“ се снимаше во Албанија во 2018, а е приказна за мажена жена и нејзината бремена сестра кои се обидуваат да најдат маж за да глуми нејзин сопруг пред средбата со нивниот, строг традиционален татко.
Како македонски дел од екипата, покрај продуцентите Горан Стојилковиќ и Владимир Стојчевски, во проектот учествуваат и актерот Висар Вишка, композиторот Александар Пејовски, Фејми Даут како прв асистент на камера, дизајнерот на звук Игор Поповски од студиото Аудиохаус, заедно со целосната екипа на секторот звук составена од Ристо Алчинов, Илија Цветковски, Драган Спасов, Ненад Стефаноски и Леотрим Вока.
Филмот светската премиера ја имаше минатата година во Главната програма на Сараевскиот фестивал, а македонската премиера беше на Фестивалот „Браќа Манаки“ во Битола.

Покрај тоа филмот беше прикажан на петнаесетина значајни фестивали низ целиот свет, а целосната листа на фестивалски учества ја има на следниот линк:
https://www.award-film.com/open-door.html
 
Рецензија за филмот „Отворена врата“ на Сунчица Уневска 18/09/2019 (Слободен Печат):
https://www.slobodenpecat.mk/reczenzija-tochka-na-krshene/

Документарниот филм „Кеиф“ во продукција на на Авард филм и видео и во режија на Блаже Дулев, на 15 септември 2020 имаше своја проекција во рамките на „Балкан Филм анд Фуд Фестивал“ во Поградец, Албанија. По оваа проекција, филмот на 24 септември 2020 ќе биде прикажан на фестивалот за музички документарен филм „Док енд ритам“ во Белград, Р. Србија, а во средината на октоври 2020, филмот ќе биде дел и од фестивалот „Балкан Филм Панорама“ во Измир, Р. Турција.
Покрај проекциите на „Кеиф“, на наведените фестивали Авард филм и видео ќе учествува и со две ко-продукции - албанскиот игран филм „Отоворена врата“ во режија на Флоренц Папас, кој ќе се прикаже на „Балкан Филм анд Фуд Фестивал“ во Поградец и хрватскиот докуметарен филм „Туста“, во режија на Андреј Коровљев, кој ќе учествува на фестивалот „Док енд ритам“ во Белград.
Свое учество на фестивалот „Балкан Филм Панорама“ во Измир, ќе има и играниот филм „Ах, љубов моја“, во режија на Коле Ангеловски.